Prag-ndeshja kunder Teutes

Post by **vllaznia1919** » Fri, 18 Mar 2005 , 14:15

Kuqeblutë nisin përgatitjet anti-Teuta

Ekipi shkodran i ka nisur dje përgatitjet e tij anti-Teutë. Disfata e javës së kaluar në Lushnjë dhe, për më tepër, barazimi shumë problematik për kupë me Shkumbinin ka bërë që atmosfera në radhët e skuadrës shkodrane të mos jetë aty ku duhet. Por stafi drejtues i saj, për t'i paraprirë kësaj, që në seancën stërvitore të ditës së djeshme ka lënë të kuptojë se vlerësimi për ndeshjen e radhës me Teutën është i lartë. Kjo është parë që në seancën e pasdites së djeshme, por njëkohësisht optimizmi shihet në shumë drejtime. Vetë angazhimi serioz i presidencës së klubit, për të mos e dorëzuar kollaj vendin e dytë në kampionat, ka bërë që përgjegjësia të rritet. Por për të shpresuar deri në fund për vendin e nënkampionit, natyrisht që përgjegjësia është e madhe per secilën nga 9 ndeshjet që kanë mbetur deri në fund të sezonit.